گەردەلوولەکەی ئەڵمانیا، بووە هۆی گیانلەدەستدانی کەسێک و دەیان کەسیش برینداربوون و، ملیۆنان یۆرۆ زیانی مادی لێکەوتەوە، هەروەها بووە هۆی تێکشکانی گەورە بۆ هاتوچۆی شەمندەفەریش.
خزمەتگوزاری کەشناسی ئەڵمانیا ئەمڕۆ شەممە، پشتڕاستی کردەوە کە سێ گەردەلوول لە بەشی ڕۆژئاوای ویلایەتی نۆردراین-وێستفالیای داوە، بەگوێرەی راپۆرتەکە، گەردەلوول لە شارۆچکەکانی پادەربۆرن، لیپستادت و لوتمارسن لە ناوچەی هۆکستەر تۆمارکراون.
پۆلیس وتی، لە راینلاند-ڤالتس پیاوێکی تەمەن 38 ساڵ بەهۆی شۆکێکی کارەباوە گیانی لەدەستدا، کاتێ بەهۆی خراپی کەشوهەواوە چووە ژێرزەمینێکی لافاوەوە، پۆلیس ئەمڕۆ بە دی پی ئەی ڕاگەیاند، کە نزیکەی 43 کەس لە پادربۆرن بریندار بوون و 10 کەسیش بە سەختی بریندار بوون و، کەسێکیش بە فڕۆکە بۆ نەخۆشخانەیەک لە بیلیفیڵد نزیکەی 50 کیلۆمەتر لە شارەکەوە دوورە گوازراوەتەوە.
پۆلیس ڕایگەیاند، کە باڵەخانەکان لە ناوچەیەکی بازرگانی بەشێوەیەکی زۆر زیانیان پێگەیشتووە و، دەبێت کاری پاککردنەوە بەشێوەیەکی گەورە ئەنجام بدرێت، پۆلیس نرخی “ملیۆنەها” یۆرۆی “وێرانکاری” بەهۆی ڕەشەباوە دەخەمڵێنێ، داوای لە هاوڵاتیان کرد لە ماڵەکانیان بمێننەوە.
وتەبێژێکی پۆلیس ڕایگەیاند، کە ڕەشەباکە زیانی گەورەی لە لیپستادت داوە، بەڵام هیچ زیانێکی گیانی نەبووە، ئەوەشی وت، کە ئەوەی ئێستا نیگەرانە ڕووکەشە زیانلێکەوتووەکان و درەختە کەوتووەکانن، گوتیشی: دەبێت هەموو شتێک دوای ئەم شێواندنە پاک بکرێتەوە، هەندێک لە ناوچەکان لە ناوەڕاستی لیپستادت، وەک وریاکەرەوەیەک کۆکرانەوە، بەشەکانی دیکەی ئەڵمانیاش بەهۆی ڕەشەبای سەختەوە کاریگەریان هەبووە.
لە ویلایەتی باڤاریای باشووری ئەڵمانیا، دوای ئەوەی دوێنێ ئێوارە کابینێکی لۆگ ڕووخا، 14 کەس برینداربوون، کە ژمارەیەک منداڵیشیان تێدایە، بە وتەی پۆلیس، زۆرێک لە پشووسازان پەنایان بردووەتە ناو کوخی 85 مەتری چوارگۆشە، بەڵام ڕەشەباکە بووە هۆی ڕووخانی، هەروەها ئەو وێنانەی لە تۆڕە کۆمەڵایەتییەکان بڵاو کراوەتەوە، ئۆتۆمبێلەکانیش هەڵگەڕانەوەیان پیشان داوە، کە لە هاتووچۆی شەمەندەفەردا تێکشکانێکی گەورە ڕوویدا، پۆلیس داوای لە دانیشتوان کرد کە لە ژوورەوە بمێننەوە.
