بەرپرسی دیسکی ڕەوەندی کوردستانی لە بارەگای بارزانی، سەردانی مەکتەبی پەیوەندییەکانی پارتی دیموکراتی کوردستانیان کرد و، لەلایەن هۆشیار سیوەیلییەوە پێشوازی کران.
شاندێکی کۆنفدراسیۆن و ناوەندی ڕەوەندی کوردستانی، بە سەرپەرشتی تاهیر هەورامی بەرپرسی دیسکی ڕەوەندی کوردستانی لە بارەگای بارزانی، سەردانی مەکتەبی پەیوەندییەکانی پارتی دیموکراتی کوردستانیان کرد و، لەلایەن هۆشیار سیوەیلییەوە پێشوازییان لێکرا.
لەمیانەی سەردانەکەدا، سەرەتا هۆشیار سیوەلی باسی لە چۆنییەتی کاری لۆبی کردن و پتەوکردنی پەیوەندییەکانی هەردوولا کرد، ئەوەش لە پێناو باشترکردنی کاروچالاکییەکانی کۆنفدراسیۆن و ناوەندی ڕەوەندی کوردستانی لە وڵاتانی جیهان.
دواتریش لەلایەن بەرپرسی دیسکی ڕەوەندی کورستانی و بەرپرس و جێگری کۆنفدراسیۆنی ڕەوەندی کوردستانییەوە، باس لە کاروچالاکییەکان کرا، کە لە دوای یەکەمین کۆنگرەی ناوەندەکەوە لە هەولێری پایتەخت و، بە ئامادەبوونی سەرۆک بارزانی بەڕێوەچوو و، لە وڵاتانی ئەوروپا و یابان بە ئەنجام گەیەندراون، نموونەش بەوە هێندرایەوە، کە بۆ یەکەم جارە لە وڵاتێکی وەک یابان یەکەمجارە یادی کارەساتی کیمیابارانی هەڵەبجە بکرێتەوە، کە ئەوەش لە رێی ناوەندی ڕەوەندی کوردستانی-یابان بووە و، زۆر چالاکی دیکەش خرانەڕوو.
