ناوەندی ڕەوەندی کوردستانی لە ئۆتاوای کەنەدا دادەمەزرێت
کوردانی دیاسپۆرا لە شاری ئۆتاوای کەنەدا بەمەبەستی دامەزراندنی ناوەندی رەوەندی کوردستانی کۆبوونەوە، ئەوەش لە پێناو دۆزی رەوای گەلی کورد.
چەند کوردێکی دانیشتووی شاری ئۆتاوای کەنەدا، کە بریتی بوون لە چالاکوان و دڵسۆزانی گەلی کوردستان، بەمەبەستی دامەزراندنی ناوەندی ڕەوەندی کوردستانی کۆبوونەوە، ئەوەش بەمەبەستی بەرەوپێشبردن و داکۆکی کردن لە دۆزی رەوای گەلی کورد لە ھەموو بوارەکاندا.
جێی باسە، سەرجەمیان بە خۆشحاڵیەوە ئامادەی و پشتگیری خۆیانیان دووپاتکردەوە، تا ناوەندێکی سەرکەوتوو لە شاری ئۆتاوا دابمەزرێنن و، ئەوەش یەکەم کۆبوونەوە بوو، کە وەک ھەنگاوی یەکەم بۆ ئامادەکاریەکانی دامەزراندنی ناوەندەکان لەو وڵاتە.
