ناوەندی ڕەوەندی کوردستانی_ڤیەنا و رێکخستنی پارتی دیموکراتی کوردستان لە نەمسا کۆبوونەوە
ناوەندی ڕەوەندی کوردستانی_ڤیەنا، لەگەڵ ڕێکخەری نەمسای پارتی دیموکراتی کوردستان (PDK) و شاندی یاوەری کۆبوونەوە، لە میانەی کۆبوونەوەکەدا، ئامانج و ستراتیژە نەتەوەییەکانی ناوەندیان بۆ روون کرایەوە.
رۆژی 26/7/2022 لە ڤیەنا شاندێکی ناوەندی ڕەوەندی کوردستانى، کە پێکهاتبوون لە نزار موسا بەرپرسی ناوەندەکە و، ئەندامی کۆمیتەی گشتی کۆنفدراسیۆنی ڕەوەندی کوردستانی ئەفشین ئەقدەسی، لەگەڵ شاندێکی بەڕێوەبەرایەتی رێکخستنی PDK کە پێکهاتبوون لە هەڤاڵان تەها حسین بەرپرسی ڕێکخستن و، سەلیم بیریفکی بەرپرسی لیژنەی ڕێخستنی PDK لە نەمسا کۆبوونەوە و، باسیان لە دۆخی سیاسی کوردستان و رەوەندی کوردستانی لە تاراوگە و ڕێگاکانی پشتگیریکردن و میکانیزمەکانی هەماهەنگی و کاری هاوبەش کرا، لەسەر میکانیزمی گونجاو بۆ ئەو پرسە ڕێککەوتن کرا و، ئەمەش لەنێو ئەو چالاکییانەدایە کە ئامانجیان ڕێکخستن و پشتگیریکردنی ناوەندی ڕەوەندی کوردستانیە بۆ ڕەوەندی کوردی لە نەمسا، هەروەها بۆ دەوڵەمەندکردن و بەشداریکردن لە ناوەندی ڕەوەندی کوردستانی لە نەمسا.
جێگەی ئاماژەیە، دواتر هەماهەنگی لەگەڵ باقی چالاکییە کوردییەکان دەکرێت، ئەوەش بەمەبەستی هەماهەنگی هاوبەش و ڕێکخستنی ڕەوەندی کوردی بۆ خزمەتکردن بە کورد و کوردستان.
