لە درێژەی کارو چالاکییەکان بۆ ناساندنی کۆنفیدراسیۆن و تیشک خستنە سەر پرس و بابەتەکانی گرێدراو بە کوردستان، پاش کۆنگرەی کۆنفدراسیۆن لە هەولێر، ڕەحیم ڕەشیدی نوێنەری کۆنفدراسیۆنی ڕەوەندی کوردستانی لە ئەمەریکا و کەندا لەسەر داوا و میوانداری تێکۆشەری سەربەخۆیخواز عارەف باوەجانی، سەرۆکی پارتی سەربەستی کوردستان کۆبووە
.
لەو دیدارەدا، سەرۆکی پارتی سەربەستی پێکهاتنی کۆنفدراسیۆنی بە دەسکەوتێکی گەورە بۆ خەباتی دیپلۆماسی کوردستان هەڵسەنگاندو لەم بارەوە ئامادەی خۆیانی بۆ هەرچەشنە هاوکاری و پشتیوانییەک لە پێناو خزمەت بە دۆزی رەوای کوردستان دەربڕی.
رەشیدی، لای خۆییەو سپاسی ئەو پێشوازی و میوانداریە گەرمەی سەرۆکی پارتی سەربەستی کرد، پاشان لەسەر کۆمەڵێک پرسی سیاسیی، گرینگی یەکریزی هێزە کوردستانییەکان و زەروورەتی پەرەپێدان بە تکۆشانی دیپلۆماسی لە دەرەوە دیدو روانگەکانی خۆی بەیان کردو باسی لە ئامانج و بەرنامەکانی کۆنفیدراسیۆن لەم بەستێنەدا کرد.
لەو دانیشتنەدا، کاک عارەف پەرتووکەی خۆی بەن ناوی (بیرەوەرییەكانم لە پێناو سەروەریی نیشتماندا) کە باس لە ژیان، رەنج و کوێرەوەری و بەسەرهاتی دژواری ئاوارەیی و تێکۆشانی کوردێکی هەڵوەدا دەکات لە پێناوی رزگاری و سەربەخۆیی کوردستان دا، پێشکەش بە نوێنەری کۆنفیدراسیۆن کرد.
لەکۆتایی ئەو دیدارەدا بڕیاردرا ئەو چاوپێکەوتنانە لە داهاتوودا درێژەیان هەبێت.
