لە پێناو کاراکردن و بنیاتنانەوەی کۆمەڵە و رێکخراوە کوردییەکان لە باشووری ئوسترالیا، نوێنەری ناوەندی ڕەوەندی کوردستانی لە باشووری ئەو وڵاتە، بەشداری کۆبوونەوەیەکی لەسەر ئەو پرسە کرد.
ئەمڕۆ دووشەممە، ڕێککەوتی ٢٠٢٢/٩/٥، فەخرەدین گەرمیانی نوێنەری ناوەندی ڕەوەندی کوردستانی-ئوسترالیا، بەشداری کۆبوونەوەیەکی تایبەتی بە کاراکردن و بنیاتنانەوەی کۆمەڵە و رێکخراوە کوردییەکان کرد.
لەو کۆبوونەوەیەدا چەند کەسایەتیەک دیاری شاری ئەدەلایدی باشووری ئوسترالیا تێیدا بەشداربوون و، بە ئومێد بوون بۆ دووبارە ژیاندنەوەی کۆمەڵە و لۆبی کوردی لە ئوسترالیا و، دەستپێکردنی چالاکییەکان بۆ خزمەتی ڕەوەندی کوردی و بەشداریکردن لە چالاکی جۆراوجۆر، کە دۆزی گەلەکەمان بباتە پێشەوە و زیاتر پتەوکردنی پەیوەندییەکان لەنێو کوردانی ھەرچوار پارچەی کوردستان و کۆمەڵگەی ئوسترالیا.
جێی باسە، ھەر لەو کۆبوونەوەیەدا، وەک دەسپێک، دەستەیەک بۆ خۆ ئامادەکردن بەمەبەستی بانگھێشتکردنی ژمارەیەکی زیاتر بۆ ئامادەکردنی چۆنێتی دەستپێکردنی بەرنامەی کارکردن دیاری کران
