لیژنەی ناوچەی سوید پشتگیری خۆیان بۆ کارو چالاکییەکانی کۆنفدراسیۆن و ناوەندی ڕەوەندی کوردستانی دەربڕی
لە کۆبوونەوەیەکی تایبەتی نێوان کۆنفدراسیۆن و ناوەندی ڕەوەندی کوردستانی و لیژنەی ناوچەی سویدی پارتی دیموکراتی کوردستان، ناوچەکە ئامادەیی خۆیان دەربڕی کە پشتگیری کاروچالاکییەکانی کۆنفدراسیۆن و ناوەند بکەن.
کۆبوونەوەکە بە ئامادەبوونی ئیسماعیل کامل سەرۆکی کۆنفدراسیۆنی ڕەوەندی کوردستانی و، کۆڤان ئامێدی و سەلام کوردە ئەندامانی کۆمیتە، لەگەڵ لیژنەی ناوچەی پارتی دیموکراتی کوردستانی سوید بەڕێوەچوو، کە تێیدا، باسی کاروچالاکییەکانی کۆنفدراسیۆن و ناوەندی ڕەوەندی کوردستانی کرا.
جێی باسە، لێژنەی ناوچەی پارتی دیموکراتی کوردستان سوید، رایانگەیاند، کە ئامادەن بۆ هەر کاروچالاکییەکی کۆنفدراسیۆن و ناوەندی ڕەوەندی کوردستانی پشتیوانیان بکەن.
