نوێنەری کۆنفدراسیۆن و ناوەندی رەوەندی کوردستانی، بەشداری بەخاکسپاردنی کەسایەتی سیاسی و تێکۆشەری کورد یەدوڵا کەریم فەیلی کرد، کە لە گۆڕستانی کەسنەزانی هەولێری پایتەختی هەرێمی کوردستان بەخاکسپێردرا.
رۆژی سێ شەممە، ۲۰ی ئەیلول، بە نوێنەرایەتی کۆنفدراسیۆن و ناوەندی رەوەندی کوردستانی، موزەفەر ئەحمەد ئەندامی ناوەند بەشداری لە مەراسیمی بە خاکسپاردنی (یەدوڵا کەریم فەیلی)، کەسایەتی سیاسی و تێکۆشەر و خەباتکاری گەورەی کورد کرد.
کورتەیەک لە ژیانی :
- عەبدولکەریم موراد فەتحوڵا، ناسراو بە یەدوڵا فەیلی
- لە ساڵی ١٩٣٤ لە شاری بەغدا و، لە بنەماڵەیەکی کوردی فەیلی بارزگان لە دایکبووە
- لە ساڵی ١٩٥٠ پەیوەندی بە ڕیزەکانی پارتییەوە دەکات، ناوە نهێنییەکەی (زاڵ) بووە
- لە ساڵی ١٩٥١ کراوەتە ئەندامی لێژنەی ناوچەی بەغدای پارتی دیموکراتی کورد
- لە ساڵی ١٩٥٣ یەکێک لە دامەزرێنەرانی ڕێکخراوەکانی قوتابیان و لاوان بووە
- لە ساڵی ١٩٥٧ بۆتە بەرپرسی لێژنەی ناوچەی بەغدای پارتی دیموکراتی یەکگرتووی کوردستان
*لە ساڵی ١٩٦٥ کراوەتە ئەندامی مەکتەبی سیاسی پارتی و بەرپرسی لقی پێنجی بەغدا
- لە ساڵی ١٩٧٤ لە کۆنگرەی سێیەمی یەکێتی لاوانی دیموکراتی کوردستان، دەبێتە سکرتێری رێکخراوەکە
*لە کۆنگرەکانی شەش و حەوت و هەشتی پارتی، دەبێت بە ئەندامی کۆمیتەی ناوەندی پارتی
- لە ساڵی ٢٠٠١ کابینەی چوارەمی حکومەتی هەرێمی کوردستان، دەبێت بە وەزیری هەرێم
*لە ساڵی ٢٠٠٣ دەستەی دامەزرێنەرانی بزاڤی دیموکراسی کوردی فەیلی بووە
- لە ٢٠/٩/٢٠٢٢ لە نەخۆشخانە گیانی لەدەستدا و لە گۆڕستانی کەسنەزانی هەولێری پایتەختی هەرێمی کوردستان بە خاکسپێردرا
