لە ئۆپەراسیۆنێکدا لە پارێزگای سامسون، کەسێکی هەڵگری رەگەزنامەی عێراقی بە تۆمەتی ئەندامێتی لە رێکخراوی تیرۆریستی داعش، دەستگیرکرا.
تیمەکانی هۆبەی بەرەنگاربوونەوەی تیرۆر لە بەڕێوەبەرایەتی ئاسایشی پارێزگای سامسون، لە چوارچێوەی لێکۆڵینەوە لە رێکخراوی تیرۆریستی داعش، ئۆپەراسیۆنێکیان بۆ سەر ژمارەیەک ناونیشان ئەنجام دا.
لە چوارچێوەی لێکۆڵینەوەکەدا، کە لەلایەن نووسینگەی لێکۆڵینەوەی تاوانە رێکخراوەییەکان لە سەرۆکایەتی داواکاری گشتیی کۆماری سامسون بەڕێوەدەچێت، تیمەکان لە شارۆچکەی ئیلکادم ئۆپەراسیۆنێکیان ئەنجام دا و، کەسێکی هەڵگری رەگەزنامەی عێراقی بە ناوی ر.ئا.ئا.ئا دەستگیر کرد.
شایانی باسە، زانیاری هەیە لە سووریا و عێراق ئەو کەسە چالاکی ئەنجامداوە و، دەست بەسەر ئامێرە دیجیتاڵیەکانیشیدا گیراوە.
