سەرچاوە:
گاڤ نیوز – تایبەت
خەلکێ گوندەکێ دەڤەرا بەرواری بالا ب ئۆپەراسیۆنەکا چاڤەڕێکری هاتینە ئاگەهدارکرن و ناوچەدارێ کانی ماسێ بابەتی رەت دکەت.
ژێدەرەکی ژ گوندێ هرۆرێ ل دەڤەرا بەرواری بالا سەر ب ناوچەداریا کانی ماسێ ڤە بۆ گاڤ نیوز گۆت: خەلکێ گوندی هاتینە ئاگەهدارکرن کو ژ گوندێ خۆ دەرنەکەڤن و ل دو تا سێ رۆژێن بهێت، تورکیا دێ ئۆپەراسیۆنەکا زەمینی ل وی گوندی کەت.
ژێدەری هەروەسا گۆت: هەرچەندە تا نوکە وان گەریلایێن پەکەکێ ل ناڤ گوندی و ئاقارێ وی نەدیتینە، لێ تا ئەو دەمێ بۆ وان هاتیە دیارکرن، ئەو ناچنە ناڤ ئاقارێ گوندی ژی و ئاڤدانا بیستانان راوه‌ستاندیه و هاتنوچوونا ناڤ گوندى هاتیه راگرتن.
دەربارەی بابەتی، سەربەست سەبری، ناوچەدارێ کانی ماسێ بۆ گاڤ نیوز گۆت: رەوشا دەڤەرێ تا راددەیەکی ئارامە و ل دەمێ گاڤ پەیوەندی ب وی کری، ئەو ل نێزیک گوندێ هرۆرێ بوو و ئاشکرا کر، تا نوکە وان چ زانیاری دەربارەی وی بابەتی نینن.
