ئه‌نتۆنیۆ گۆتێرس سكرتێری گشتی رێكخراوی نه‌ته‌وه‌یه‌كگرتوه‌كان ڕایگه‌یاند، نزیكه‌ی 3 (سێ) ملیار كه‌س كه ده‌كاته نزیكه‌ی 40٪ی كۆی دانیشتوانی جیهان و مرۆڤایه‌تی، ناتوانن خۆراكی ته‌ندروست به‌ده‌ستبهێنن.
ئه‌نتۆنیۆ گۆتێرس له‌وتارێكی ڤیدیۆییدا، به‌بۆنه‌ی ڕۆژی جیهانی خۆراكه‌وه رایگه‌یاند، 40٪ ی مرۆڤایه‌تی ناتوانێت خۆراكی ته‌ندروست به‌ده‌ستبهێنن، كه یه‌كسانه به 3 (سێ) ملیار كه‌س، به‌گشتیش برسێتی له‌زیادبوندایه و ژماره‌ی ئه‌و كه‌سانه‌ی به‌ده‌ست خراپی خۆراكی و قه‌ڵه‌وییه‌وه ده‌ناڵێنن له‌زیادبوندان
وتیشی، “به‌هۆی په‌تای كۆرۆنا و ئه‌و كێشه ئابورییانه‌ی كه دروستیكردون بارودۆخی ناوچه‌كان به‌گشتی تێكچون، به‌جۆرێك له ئاستی جیهاندا 140 (سه‌د و چل) ملیۆن كه‌س به‌ده‌ست كه‌می خۆراكه‌وه ده‌ناڵێنن
