حكوومەتی بەغدا وەزارەتی بەرگری عێراقی ڕاسپاردووە هەوڵی بە دەستهێنانی باشترین جۆری سیستمی دژەئاسمانی بدات، ئەوەش بۆ ڕێگری و تێكشكاندنی درۆن-ەكان و دوورخستنەوەی مەترسییەكانی فڕۆكەی بێفڕۆكەوان.
فەرماندەی هێزی ئاسمانی عێراق، ئاشكرای كرد كە بۆ ئەو مەبەستە وەزارەتی بەرگری، چاوی لە سیستمی بەرگری دژەئاسمانی جۆری S-500 ی ڕووسییە، چونكە لەمكاتەدا هێزە عێراقییەکان توانای بەرپەرچدانەوەی فڕۆکەی بێفڕۆکەوانیان سنووردارە و، ئەو سیستمی دژەئاسمانیەی كە هەیانە، هەم لەڕووی ژمارە و هەم لەڕووی توانایشەوە، لە ئاستی پێویستدا نییە.
جێی ئاماژەیە، كڕینی ئەو سیستمە پێشكەوتووەی ڕووسیا لە لایەن عێراقەوە، ناڕەزایی توندی ئەمەریكای لێدەكەوێتەوە، بەڵام هێشتا نازانرێت هەڵوێست و كاردانەوەی واشنتۆن لە چ ئاستێك و بە چ ئاڕاستەیەك دەبێت
