ئەمڕۆ چوارشەممە، پۆلیسی سعودییە دەستگیرکردنی هاوڵاتییەکی ڕاگەیاند، کە لە ڤیدیۆیەکی تۆڕەکۆمەڵایەتییەکاندا بانگەشەی پێغەمبەرایەتی کردووە.
پۆلیسی ڕیاز لە بەیاننامەیەکدا ڕایگەیاند، کە دەزگا ئەمنییەکانیان هاوڵاتیەکیان دەستگیرکردووە، کە لە گرتە ڤیدیۆییەکەدا دەرکەوتووە بانگەشەی پێغەمبەرایەتی کردووە و، دوور لە ڕەوشتی گشتی، جنێو و دەربڕینی ناشرینی تێدابووە.
پۆلیس ئەوەشی خستەڕوو، لە ڕێککارەکانی لێکۆڵینەوەیان، دەریخستووە ئەو کەسە لە دۆخێکی نائاساییدا بووە و ئێستا ڕاگیراوە.
