ڕێكخراوی مافی مرۆڤی هەنگاو ڕایدەگەیەنێت، كۆڵبەرێكی خەڵكی بانە لە كاتی كۆڵبەری لە سنوورەكانی ئەو شارە بەدەسڕێژی هێزە ئەمنییەكانی ئێران كوژرا.
ڕێكخراوی مافی مرۆڤی هەنگاو لە ڕاگەیەنراوێكدا ئاماژە بۆ ئەوە دەكات، كاتژمێر ٢ی بەرەبەیانی ئەمڕۆ یەك شەممە 20-6-2021 لەلایەن هێزە ئەمنییەكانی جێگیر لە بنكەی هەنگەژاڵی بانە كۆڵبەرێك كوژراوە.
ئاشكراشكرد، كۆڵبەرەكە ناوی “سەعدوون ئەحمەدی” تەمەن ٢٧ ساڵانە و خەڵكی بانەیە و لەلایەن یەكێك لە فەرماندەكانی بنكەی هەنگەژاڵ كوژراوە.
