دەرھێنەری سینەمایی نەسرین عابدین لەدایک بووی گوندی کانی کەرک ئەلحەسەنیە ، سەر بە دێریک ڕۆژ ئاوای کوردستان. نەسرین دەڵێت : سەرەتا وەک منداڵێک ھەمیشە خەون و ھیواکانم جیاوازبوون لەگەڵ ئەو ئافرەتانەی دەوروبەرم .
هەمیشە خەونم بەوەوە بینیوە کە لەسەر شانۆ بوەستمەوە یان لە پشت شانۆوە کار بکەم ، هەمیشە خەونم بە فیلم دروستکردن و فیلمەوە بینیوە . توانیومە بە خەونەکانم بگەم ، فیلمم ساز کردووە ، توانیومە ئازارو خەمەکانی میللەتەکەم بگەێنمە زۆر ترین بینەر لە ڕێگای نمایشی بەرھەمەکانمەوە ، ڕۆڵی ژنانی چەوساوەی کوردو ئازارەکانیان بوروژێنم و نیشانی بدەم ، زۆر کاری شانۆیی و بەرھەمی فیلمی سینەمایی و کاری دیکۆمێنتاریم بەرھەم ھێناوە ، ھەرچەندە سینەماشم نەخوێندوە .
بەهۆی ئەو بارودۆخەی کوردانی ڕۆژئاوا لە وڵاتی سوریا تێیدا دەژین ڕەنگە ھێندە ئاسان نەبێت بەو شێوەی ویستی خۆتە کاربکەیت ، بەڵام وەک زۆرێک لە هونەرمەندانی کورد لە مەیدانی عەرەبی سوریادا بوونیان ھەیە و دیارن .
منیش وەک دەرھێنەرەکانی دیکە ھیواو ویستی زۆرم هەیە، بەڵام دوای ئەوەی بەهۆی شەڕەوە ئاوارەی باشوری کوردستان بووین ، لە ساڵی 2012 دا کاتێک گەیشتمە کامپەکانی ئاوارەکانی سوریا لە کامپی دۆمیز، بۆ یەکەم جار هەستم کرد کە ناتوانم خەونەکانم بەدی بهێنێنم ، لەگەڵ ئەو هەموو بێتاقەتی و بێ هیواییە بەڵام بەخۆداچونەوە و قبوڵکردنی ئەو ڕاستییە و ئەوژیانە نوێیە یارمەتی دەردەبێت بۆ دەستپێکردنەوەیەکی نوێ .
سەرەتا لەگەڵ رێکخراوە مرۆییەکان کارم دەکرد پاشان وەک ڕێکخەری میدیا بۆ ڕێکخراوە نێودەوڵەتی و ناوخۆییەکانی کوردستان کارمکرد و سەرەڕای هەموو زەحمەتی و تەحەدا مادییەکان خاوەن خواستێکی بەهێز بووم ، تا هیوا و شادی بخەمە نێو دڵی منداڵانی کورد، ڕەنگە هەندێک لەو کارانەی ئەنجامم دابن بۆ گەڕابدنەوەی بەشێک خۆشی و ھیوا بۆ دەروونیان لە کەم کردنەوەی ئەو ئازارو نەھامەتیانەی بە ھۆی شەڕو ئاوارەبوون و نەھامەتیەکانی ژیان لەو ڕۆژانەدا توشیان بوو بوو ، لێرەوە من ھەنگاومنا بۆ تایبەتمەندبوون بە شانۆی منداڵان، کە بە یەکێک لە گرنگترین و قورسترین جۆرەکانی شانۆ دادەنرێ.
دوای سێ ساڵ لە هەوڵ و ماندووبون کارکردن ، یەکەم فیلمی “جەهەنمی سارد” بەرھەمھێنا ، کورتە فیلمێک سەرنج دەخاتە سەر ئەوەی گەر پەنابەرێکی گەنج و تازە پێگەیشتوو بێت چ مانایەک دەگەێنێ .
ئەم کارەش لە نوسینی نەسرین حەسەن بوو فیلمەکە لە چەندین فیستیڤاڵی نێودەوڵەتی نمایشکرا، لە فیستیڤاڵی دهۆک نمایشکرا، هەروەها لەلایەن هەواداران و ڕەخنەگرانەوە جێگای دەست خۆشی بوو ، پاشان بۆ چەند خەڵاتێک کاندید کرا و خەڵاتەکەی بەدەستهێنا لە ماوەی ساڵێکدا ، بۆیە من شانازی بەوەوە دەکەم کە یەکەم فیلمی خۆمم دروست کردووە و سەرکەوتوو بووە، دواتر بەرھەمی دووەمم فیلمی دیکۆمێنتاری بەناوی پێشوازی مەرگ بوو .
فیلمەکە باس لە هێرشی داعش بۆ سەر کوردستانی باشوور دەکات و باسی قارەمانێتی پێشمەرگە دەکات کاتێک داعشیان شکاند پێشوازی مەرگ یەکەم جار لە فیستیڤاڵی دھۆک نمایشکرا و دووه م جاریش لە فیستیڤاڵی هه ولێر نمایشکرا .
ئێستا من لە ئەڵمانیام ، بڕیارە بەشداربم لە فێستیڤاڵێک لە ڕووسیا و ئەڵمانیا دوای قەیرانی کۆرونا کە کاریگەری زۆری لەسەر فێستیڤاڵەکان هەبوو ، هەروەها لە ئەڵمانیاش بەشداری ڕۆدا کۆرد بووم و بەم زووانە چەندین چالاکی و بەرنامەمان دەبێت ، بەواتا تیپی شانۆی کوردی و سەمای فۆلکلۆری لە هەر جۆرێک بێت گرنگ لە چوارچێوەی کوردستانی بونمدا بێت .
دیمانە ستافی kdc
