رۆیتەرز بڵاویکردەوە، کە کۆشکی باکینگهام، ئەمڕۆ یەکشەممە ڕایگەیاند، کە شاژن ئەلیزابێسی دووەم تووشی کۆڤید-19 بووە، بەڵام نیشانەکانی سووکن.
کۆشکی شاهانە، گوتی، کە شاژنە ئەلیزابێس نیشانەی بچووکی هەیە و، بۆیە شاژن لەم هەفتەیەدا بەردەوام لە هەندێ ئەرکی سادە و لە کۆشکی ویندسۆر بەردەوام دەبێت.
لە بەیاننامەکەی کۆشکەکەدا هاتووە، کە شاژن بەردەوام دەبێت لە وەرگرتنی چاودێری پزیشکی و پەیڕەوی هەموو ئەو ڕێنماییانە دەکات کە لەسەر ڤایرۆسەکە پێیدراوە.
سەرۆکوەزیرانی بەریتانیا بۆریس جۆنسن، هەر ئەمڕۆ لە رێی تویتێکەوە رایگەیاند، هیوادارە شاژن ئەلیزابێس زوو چارەسەر بکرێت و بە خێرایی بگەڕێتەوە باری تەندروستییەکی باش.
جێی باسە، شاژن ئەلیزابێس، یەکەم پاشای بەریتانیایە کە حەوت دەیەی بەسەر تەختەکی پاشایەتیدا بەسەر بردووە
