ئەمەریکا ژمارەیەک ماڵپەری کەناڵ و دەزگای میدیایی عێراقی و ئێرانی دادەخات و رایدەگەیەنێت، زانیاری هەڵە بڵاودەکەنەوە و خەڵک بەلاڕێدا دەبەن.
بەگوێرەی بڕیارێکی دەستەڵاتدارانی ئەمەریکا، ژمارەیەک کەناڵ و دەزگای میدیایی عێراقی و ئێرانی داخران، لە دەزگا عێراقییەکان بریتن لە، فورات نیوز، کەناڵی ئاسمانی ئاسیا، مەعلومە، نەعیم، کاف، کەربەلا و ئافاق، کە سەربە هێزە سیاسییەکانی شیعە و میلیشیاکانن.
هەروەها ماڵپەڕەکانی سەربە ئێرانییەکانیش، کە لوبنانی، فەڵەستینی و یەمەنین پێکدێن لە، کەناڵی ئەلعالەم، مەسیرە، لوئلوئە، پرێس تی ڤی، فەڵەستین ئەلیەوم، کەوسەر و ئەلنەبەء.
وەزارەتی دادی ئەمەریکا رایگەیاندووە، داخستنی ئەو پێگانە بەهۆی بڵاوکردنەوەی زانیاری هەڵە و بەلاڕێدابردنی خەڵکە.
