سۆران حەسەن
ڕاپەرینی مەزنەکەی ساڵی 1991 وەچارخانێکی مێژووی بوو بۆ خەڵکی کوردستان ،کە دەسەڵاتی داگیرکاری ڕژێمی بەعسی عێراقیان ڕاماڵی .
ڕۆژمێری ڕاپەرین ٥-٣لە دەروازەی ڕاپەرین شاری ڕانیە بڵێسەی کرد بۆ هەموو شارو شارچۆکەکانی کوردستان لە ماوەیەکی کەم تا ٢١-٣ لەگەڵ ئاگری نەورۆز ،کەرکوکی دڵی کوردستان ئازادکرا ،بۆیەکەم جار بڵێسەی ئازادی و نەورۆز وەک چەپگوڵەکانی نێرگزی کورستان بەیەک شادبوونەوە
لەو ڕۆژەدا خەڵکی کوردستان یەک بیروباوەر و یەک ڕەنگ بە ڕێبەرایەتی بەرەی کوردستانی و پێشمەرگەی گیان لەسەر دەست پۆل پۆل شارو شاخ یەکیان دەگرت دژی داگیرکەری کورستان ڕاپەڕین
ڕاپەرین هەوێنی شۆرشێکی درێژ خایەنی کورد دژ بەستەمی ئەنفال ، وێرانکار، ڕاگواستن و تەعریب بوو ،کە خەڵکی کوردستان دەرفەتی ئازادی و سەرفرازی لەدەست نەدا هەرچی دەسەڵاتی داگیرکاری بوو هەمووی ڕاماڵی
لەسایەی ئەو ڕاپەرینە ،لەدوای کۆرەوی مەزن بەردەوامی یەکگرتووی خەڵکی کورستان دوایەک ساڵ ،یەکەم هەڵبژاردنی ئەنجومەنی نیشتمانی کوردستان ئەنجامدرا و دواتر حکومەتی هەرێمی کوردستان دامەزرا
دەسکەوتەکانی ئەمڕۆی خەڵکه کوردستان لە سایەی شۆرش و خەباتی پێشمەرگە و خەڵکی ڕاپەڕیووی کوردستان بووە ،بەشانازییەوە لەم یادە مەزنە سەری ڕێزو نوازش بۆ گیانی پاکی شەهیدانی کوردستان دادەنەوێنین ،بەهیوای ئازادی هەموو کوردستان و درێژەدەری هەنگاوەکانی سەربەخۆی یەکجارەکی خەڵکی کوردستان دەبین
دوای ٣١ساڵ ئێستاش ڕژێمەکانی داگیرکاری لە هەوڵی لە ناوبردنی دەسکەوتەکانن ،پیلانی یەک لە دوای یەک بۆ لاواز کردنی دەسەڵات و پێگەی حکومەتی هەرێمی کورستان ،هەر کاتەو بەناوێک و پەساوێکی نایاسایی ڕێگری لە بەرەو پێشچوونەکانی گەلی کوردستان دەگرن
ئەمڕۆ لە یادی ڕاپەرین هیوای یەک ڕیزو تەبایی بۆ بەرەنگاربوونەوەی پلان و ڕێگرەکانی دوژمنانی کوردستان دەخوازین ،هەموومان بە ڕۆحی یەکگرتووی ڕاپەرینی ساڵی ١٩٩١
پاڵپشتی دەسکەوتەکان و بەدیهێنەری ئاواتی لەمێژینەی خەلکی کورستان دەبین
