حکوومەتی پۆڵەندی، پڕۆژەیاسایەکیان بۆ پێشوازی خێرا و وەرگرتنی پەنابەرانی ئۆکرانی بەهۆی هێرشی ڕووسیا بۆ سەر ئۆکرانیا پەسەندکرد، کە تێیدا مانگانە بۆ هەر پەنابەرێک بڕی 250 یۆرۆ دابین دەکات.
سەرۆکوەزیرانی پۆڵەندا، ماتیوز موراڤیتسکی، ڕایگەیاند، بۆ یارمەتیدانی پەنابەرانی ئۆکرانی، ئەو ڕێککارە یاسایە بریتی دەبێت لە پێدانی مافی نیشتەجێبوون بۆ ماوەی 18 مانگ، لەگەڵ بژاردەی درێژکردنەوەیان بۆ ماوەی 18 مانگی دیکە، لەگەڵ مۆڵەتی کارکردن.
هەروەها ژمارەیەکی کاتی ناسنامەی نەتەوەییش لە پلاندایە بۆ ئاسانکاری گەیشتنیان بە خزمەتگوزاری تەندروستی گشتی و قوتابخانە و دوورکەوتنەوە لە ئاڵۆزییەکانی بیرۆکراتی.
مۆراڤیتسکی، ئەوەشی خستەڕوو، کە پڕۆژە یاساکە یارمەتی دارایی بۆ زۆرێک لە هاووڵاتیانی پۆڵەندی پێشنیار کردووە، کە لە ئێستادا پەنابەری ئۆکرانی وەردەگرن، مانگانە 250 یۆرۆ (271 دۆلار) بۆ هەر پەنابەرێک کە پەنایان بۆ پۆڵەندا بردووە.
جێی باسە، تا ئێستا پڕۆژە یاساکە نەدراوەتە پەرلەمانی پۆڵەندا بۆ دەنگدان
