هەوارخان سەید موراد
هەرچەند ئەمڕۆ جیهانی تەکنەڵۆجیا رۆژ دوای رۆژ پێشکەوتنی بەرچاو بەخۆی دەبینێت ، بەرێژەیەکی زۆر سۆشیاڵ میدیا پشکی شێری وەرگرتوە لە ئاراستەکردن و دیەی تاک لە کۆمەڵگا دا ، سۆشیال میدیا لە سەر بنەمای پەیوەندیەکی خێرای ئینتەرنێت بۆ بەکارهێنەران دەستەبەر بوو ، لە ئێستادا دنیایه‌كی گەورەیی تۆڕه‌كانی كۆمه‌ڵایه‌تییه، له ئاكامی ئاست بەرزی ته‌كنه‌لۆجیای ئینته‌رنێت و چه‌قبه‌ستوویی میدیای كلاسیك هاته کایەوە. کۆمەڵگای کوردی وەک گشت میللەتان لە وێستگەی بەکاربەری پێشکەوتنەکانی تەکنەلۆجیا دانەبڕاو ، ئەمرۆ سۆشیاڵ میدیا ئاراستەی کۆمەڵگای کوردی دەکات ، کە بەشێکی دیار لە رەنگ و دەنگی نوێ لە سۆشیال میدیا هەر رۆژ بەئاوازێک سەما دەکەن کە بۆ بەدەستهێنانی ژمارەی بینەر بوونی ئەکاونتەکەیان ئامادەن هەر ئاراستەیەکی نا رەوشتی پەیرەو بکەن ، پەرتبڵاوی و زۆر و بۆری لە بەکارهێنەران کاریگەری نەرێنی دروست کردوە لە گشت سێکتەرەکانی ژیان بەتایبەت لە بواری کۆمەڵایەتی و پەروەردەیی کە رۆژ دوایی رۆژ ژمارەی جیابوونەوەی خێزان و کەم ئاستی فێرخوازان لە تۆکمەی دایە ،
پرسیارە دەکەم !
ئاخۆ مەترسی سۆشیاڵ میدیا لەسەر ئینتیمای نیشتیمانی چیە؟
میللەتی کورد بە درێژایی مێژوو گشت خەبات و کۆشش و ئەو ئازار و تاڵاویەیی لە ڕابردوو چەشتوویەتی لە پێناو بەدەست هێنانی مافی رەوایی کورد بووە ،کە ئەویش بە”دەوڵەت بوون و کوردستانی بوون” ه، تاوەکو ئێستاش هەوڵەکان بەردەوامە و هەنگاوی بەهێزتر ماوە لەم رێگایەدا ، گرنگترین هەنگاو یەکریزی نیشتمانی و هێز و خوێن گەرمی ڵاوان و گشت تاکەکانی کۆمەلگا و هەستی پەرۆشبوونیان ،
ئەمرۆ سۆشیاڵ میدیا بەتەواوی ئاراستەی کۆمەلگای کردوە ، کە رۆژ دوایی رۆژ بە ئاوازی نەیاران و لاسایی کردنەوەی پرۆگرام و بەرنامەی مایەپوچ ، بیر و هەستی ئەم نەوە نوێیەیان داگیرکردوە ، کە خوویی نیشتیمانی و باکگراوندی مێژوویان لە دەستێنن و بەرەوو ئاقارێکی بێ بنەمایان دەبەن بە هەواڵی خۆدکوژی و هەواڵی چەواشەکاری و پرۆگرامی تەقلیدیی ، هەرچەند لەگەڵ شارستانیەت داین لەگەڵ پرۆگرامی نوێ و ئامانجدار داین ،بەڵام
لەم کات و ساتە پێویستە پیرۆزترین ئامانجی هەر تاکێکی کورد بریتی بێت : لەوەی چڵۆن هەنگاو بنێن بۆ مافی رەوا بوون ، چۆن ئەو دەستکەوتە مێژوویانە بپارێزین ، بە شانازیەوە نەوە دوایی نەوە لە هزریان بچەسپێت ، میللەتی کورد پێویستی بە نەوەی خوێندەوار و تاقەتدار و پڕ هێزە ، نەوەک نەوەیەک بەرهەم بێت کە حەوسەڵەی خوێندن و ژیان و کاری نەبێت و بەدرێژایی رۆژ چاوی لەسەر شاشەی هاندەکەی بێت ، پێویستە سانسۆری سەرجەم ڕاگەیاندن و سۆشیاڵ میدیاکان دابنرێت ، ناکرێت بە هەوای ئازاد بوون بیری و هزری تاکی کۆمەڵگا ئیفلیج بکرێت ، ووڵاتێکی وەکو ئیمارات کە لە هەموو ڕوویەک مافی سەرەتایی گەڵەکەی فەراهم کردوە کەچی هێشتا سانسۆری گشت تۆرە کۆمەڵایەتیەکان دەکات ، چون ئەوان پاراستنی دەستکەوتەکانیان بە پیرۆزتر دەزانن لە هەوایی میزاجی تۆرە کۆمەڵایەتیەکان .
