گوته‌بێژی هاوپه‌یمانی نێوده‌وڵه‌تی دژی داعش، رایده‌گه‌یه‌نێت، هێرش بۆ سه‌ر حكوومه‌تی هه‌رێمی كوردستان، پێشێلكردنی یاسا و سه‌روه‌ری و دامه‌زراوه‌كانی عێراقه.
وه‌ین مه‌رۆتۆ گوته‌بێژی هاوپەیمانی نێودەوڵەتی دژی داعش رایگەیاند: پابەندین بە کارکردن و هەماهەنگی لەگەڵ هاوبەشەکانمان لە عێراق بۆ رووبەڕووبوونەوەی هەڕەشەی هێرشە مووشەکییەکان و درۆنەکان.
گوته‌بێژی هاوپەیمانان سەبارەت بە هێرشە مووشەکییەکان و درۆنەکان، رای وایە کە ئاسایش و سەروەری عێراقیان پێشێلکردووە، جه‌ختیشی له‌سه‌ر ئه‌وه كردووه‌ته‌وه، کە هێرشە مووشەکی و درۆنە بۆمب رێژکراوەکان هەڕەشەن بۆ سەر ئاسایشی خەڵکی عێراق.
وه‌ین مه‌رۆتۆ دووپاتیشی دەکاتەوە، کە هەر هێرشێك بۆ سەر حکوومەتی هەرێمی کوردستان و هاوپەیمانی نێودەوڵەتی، پێشێلی یاسا و سەروەری و دامەزراوەکانی عێراقە.
ئەوەشی گوتووە، کە سەرکردەکانی عێراق پابەندبوونی خۆیان دووپاتکردووەتەوە بۆ پاراستنی ئەو بنکە سەربازییانەی هێزەکانی هاوپەیمانی نێودەوڵەتیان تێدا جێگرکراون
