لە قەزای بەردەڕەشی سەر بە پارێزگای دهۆک لەکاتی ڕاوەماسیدا نارنجۆکێک کە دەیانویست بەمەبەستی راوی ماسی بەکاری بهێنن بە چەند گەنجێکدا تەقییەوە.
عەمید سەعدی شێخ ئەحمەد، بەرێوبەری پۆلیسی شارۆچکەی بەردەڕەش ڕاگەیاند: “پاشنیوەڕۆی ئەمڕۆ سێ گەنجی دانیشتووی ناحیەی کەڵەک-ی سەر بە قەزای بەردەڕەش لە سنووری پارێزگای دهۆک بەمەبەستی ڕاوکردنی ماسی بە نارنجۆک چوونەتە سەر رووباری خازر لە گوندی ترپەسپی، لە کاتی ڕاودا بە هەڵە نارنجۆک لەناو دەستیان تەقیوەتەوە”.
راشیگەیاند: “لە ئەنجامی ڕووداوەکەدا گەنجێک بەناوی ئەحمەد مەولود گیانی لەدەست داوە و گەنجێکی دیکەش زامدار بووە کە دۆخی تەندروستیی جێگیرە”.
(شاگوڵ دڵشاد)
