ئاشتی گەرمیانی .. هۆڵەند ..
ماوەیەکی زۆرە لەگەڵ برایانی هونەرمەندانم وەکو سامانە ڕەش و کاك عەلی دەروێش و ئاڵان مارف و کاك سۆران ی مەعرەز لە سلێمانی .. باس و لێکدانەوەی ئەوە دەکەین کە بۆچی هونەرمەندێك بەو هەموو داهێنانەوە ڕوو لە نامۆبوون بکات ، وە دوو ڤیدیویی ئەو کەسایەتی یەمان بەرچاو کەوت چ لە فیچەرێکی ڕووداو وە چ لە گرتەیەکی ڤیدیویەکی خۆی کە سەرتاپای خۆی لە قووڕ ناوە .. دەیەوێت ببێت بە پەیکەرێکی ووشك بوەو ئیدی ئێمە و خەڵکان بچین بۆ سەردانی مۆزەخانەکەی لە پێ چیاکانی قەمچووخە.
زۆرن ئەوانەی کە ڕاو دەنرێن وکۆمەڵگایان لێ دەکەنە زیندان . زۆر ئەو هونەرمەندانەی کە یاخی دەبن لەپای ئەو داهێنان و ژیانە تەندروستەوەیە کە هەموو حەزو گەیشتنەکانیان دەستەبەر کردووە لە ژیانی دووبارە گەیشتن بە ترۆپکی دیموکراسی و ئازادی یەکان و داهێنان .
مەزاری بێتاقەت بوون .. شەرمەزاری عەقڵ .. قوتابخانەی پێگەیاندنی عەقڵ .
هونەرمەندێکی شێوەکاری کورد کەلە پەیمانگای هونەرە جوانەکانی شاری سلێمانی بەشی پەیکەرسازی تەواو کردوە ، بێگومان هەر لە کۆتایی ساڵانی هەشتاکان دەبێت و ڕوو لە هەندەران دەکات بەتایبەتی ئەڵمانیا و لە ئەکادیمیای هونەرە جوانەکانی شاری شتوت گارت بۆ ماوەی ٦ ساڵ دەخوێنێت دواتر بۆ ماستەر ڕوو لە بەرلین دەکات و ئەفراندنی هونەرو پەیکەر دەکاتە باڵندەی ئاشتی و دەیەوێت وەکو فرۆکەکان بفڕن زۆر لە ڕۆژنامەکانی ئەڵمانیا باسی ئەو داهێنان و ئەفراندنە دەکەن وە زۆر کەسیش دەیەوێت هاوکاری بکات و دەستی بگرن .. بەڵام لەبەر ئەوەی داهێنەرە لەهەموو جێگایەکی ئەم ڕووی زەمینە ئیرەیی و شکاندنەوە و بچووك کردنەوەی مرۆڤەکان هەر هەن وە هەر دەبن بەتایبەتی لە کوردستانیش .. خۆی نەدایە دەست ئەو قەدەرەی کە ببێتە سەر بە حزب و لایەنێك ، زۆر چالاکی هونەری و نماش کردنی کارە وهونەریەکانی گەیاندۆتە ترۆپکی نمایش وە لە کوردستانیش ئەو پێشانگاو بیرۆکە هونەریانەی نمایش کردوە کە کوردێك کەمتر نەبێت لە پرۆسەی مرۆڤایەتی و داهێنان ، بەڵام کەمتر پشتگیری کراوە لە ڕووی پراکتیکی و ، هەرکەس دەیەوێت کارەکان و هونەرو ڕۆشنبیریەت بۆ خۆی قۆرخ بکات ئەو ویستی ناوی کورد بباتە ئاسمان وەکو باڵندە سپی و ئاشتی یەکەی ، وەکو خۆی دەڵێت عەقڵمان بە مرۆڤایەتی بەخشیوە ، لە ئێستادا دەمەوێت بیدەم بە میللەتەکەم . ئەوە شایەت ووتەی هونەرمەند شەماڵە کە لە فیچەرەکاندا باسی لێوە دەکات .
ئەو دەیویست بگاتە سەر لوتکەی چیاکان و ئیدی سوکایەتی پێوە نەکەن ، ١٠ ساڵە خۆی بە بەختەوەرترین مرۆڤ دەزانێت لەسەر گۆی ئەم زەوی یەدا چونکە تەنیایی و نامۆبوونی لە چیاکانی قەمچووخە و دابڕان لە خەڵک و میللەت چارەی دەردەکانی دەکات .. زۆر ووڵاتان گەڕاوە وەکو هیندیستان و ئیران و مەغریب و تونس و ئەوروپا ، ، بەختەوەر بووە وە تەندروست بووە ، دیارە خواداش خۆشی ویستوە .. بەڵام هەوارگەی ئێستای و داهاتووی ئەو شاخ و گوندو ئەشکەتانەیە کە نامۆبوون لە هونەرو میللەت و جەنجاڵی ژیان بۆتە ئەو هەتاوەی کە دەیەویت کۆتا ووشەی لەگەڵ ئەواندا بێت و ڕوەو ئاسمان گیانی ببەخشێت .
