ناوەندی ڕەوەندی کوردستانی-بەریتانیا پەیامێک ئاڕاستەی سەرۆک مەسعود بارزانی و نەتەوەیەکگرتووەکان دەکەن
ناوەندی ڕەوەندی کوردستانی-بەریتانیا، بەبۆنەی هێنانەوەی تەرمی ١٠٠ ئەنفالکراوی بارزانی، نامەیەکی هاوخەمی ئاڕاستەی سەرۆک مەسعود بارزانی و کەسوکاری ئەنفالکراوان دەکەن، هاوکات داواش لە نەتەوەیەکگرتووەکان دەکەن، کە ئەو تاوانە بە جینۆساید بناسێندرێت.
دەقی پەیامەکە:
بە ناوی خودای گەورە و میهرەبان
بە ناوی خۆمان و سەرجەم ئەندامانی ناوەندی رەوندی کوردستانی-بەریتانیا، پرسە و سەرەخۆشی خۆمان ئاڕاستەی جەنابی سەرۆک مەسعود بارزانی و کەس و کاری ئەنفال و، سەرجەم کوردستانیان دەکەین و، هاوخەمی خۆمان دەردەبڕین بەرامبەر ئەو کارە نامرۆڤانەی بەرامبەر خەڵکی بێتاوانی کوردستان بەگشتی کرا و، بەتایبەتی بنەماڵە و کەسوکاری بارزانی، بەو بۆنەیەوە، داواکارین لە خودا، شەهیدانمان بە بەهشت شاد بکات و سەبوری هەموو لایەکمان بداتەوە، وە داوا لە کۆمەڵگای نەتەوەیەگرتووەکان و جیهان دەکەین، کە بکەرانی ئەم تاوانە بە سزای یاسای بگەیەنێ و بەفەرمی لە جیهان بە جنێوساید بناسرێت.
دوورد بۆ هەموو شەهیدان
کوردستان پارێزاو و ئاوەدان
راگەیاندنی ناوەندی رەوندی کوردستانی-بەریتانیا
