نوێنەری تایبەتی پۆتین بۆ كاروباری سوریا ڕایدەگەیەنێت، ئەوەی ئێستا لە ئەفغانستان روویداوە و ئەمەریكا لەناكاو هێزەكانی كشاندۆتەوە، ئەگەری هەیە لە رۆژئاوای كوردستانیش رووبدات.
ئەلكساندر لاورنتیف، نوێنەری تایبەتی پۆتین بۆ كاروباری سوریا رایگەیاند، كوردەكانی سوریا لە ئێستادا لەگەڵ ئەمەریكا هاوپەیمانی یەكترن و لە ناوچەكانی باكووری سووریا پشتیان بەو وڵاتە بەستووە، ئەمە لەكاتێكدایە لەوانەیە ئەمەریكا لەناكاو هێزەكانی لە سووریا بكشێنێتەوە.
گوتیشی، ەوەی ئێستا لە ئەفغانستان خەریكە روودەدات پەیامێكی روونە بە كوردەكانی سووریا و ئاشكراشیكرد، هەمیشە گوتوویانە دەبێ كوردەكان لەگەڵ دیمەشق دانووستان و گفتوگۆ بكەن و بگەنە رێگاچارەیەك، كە بۆ هەردوولا قازانج بێت.
لە هەفتەی ڕابروودا لە بڕیارێكی لەناكاودا ئەمەریكا هێزەكانی لە ئەفغانستان كشاندەوە و بەو هۆیەوە بزووتنەوەی تاڵیبان دەستی بەسەر 85%ی خاكی ئەو وڵاتەدا گرتۆتەوە.
