سەرۆکێ کۆریا باکۆر دەست ب وەرزشێ و سیستەمەکێ تایبەت یێ خوارنێ کریە داکو سەنگا لەشێ خۆ کێم بکەت و تا نوکە 20 کیلۆگرام ژ سەنگا خۆ کێم کرینە.
ل ديڤ رۆژنامەڤا میرۆر یا بریتانی، نوشدارێن سەرۆکێ کۆریا باکۆر کیم جۆنگ ئۆنی ئەو ئاگەهدار کریە کو سەنگا لەشێ وی یا زێدە دێ کارتێکرنێ ل ساخلەمیا وی کەت، ژبەر ڤی چەندی وی دەست ب وەرزشێ کریە و هەروەسا سیستەمێ خوارنا خۆ ژی گوهۆڕیە.
سەرچاوەی هەروەسا دیار کریە: تا نوکە کیم جۆنگ ئۆنی 20 کیلۆگرام ژ کيشا خۆ کێم کرینە و وەرزشا خۆ ل جهەکێ ڤەشارتی یێ نهێنی دکەت.
سەرۆکێ کۆریا باکۆر بۆ کێمکرنا سەنگا خۆ ژبلی بابەتێن گرێدایی ساخلەمیێ، چەندین مەرەمێن سیاسی ژی هەنە، ژبەر کو ل دەمێ سەرۆک ب سەنگەکا کێم دیار دکەت ئاماژەیەکە بۆ خەلکێ کۆریا باکۆر کو سەرۆک ژی هەر وەکی وانە و ل هەمی دەمان خوارن ب دەست ناکەڤیت و هەروەسا ژبەر کو گەلەک د خزمەتا وەلاتی دایە، گەلەک جاران دەم نینە خوارنێ بخۆت.
