لە رۆژی 14 تەمووزی 1958 لە كودەتایەكدا كۆتایی بە رژێمی پاشایەتی لە عێراق و لە ژێر چاودێری بەریتانیادا هات، کە بە كوشتنی سەرجەم ئەندامانی بنەماڵەی پاشایەتی و، لە نێوشیاندا پاشا و جێنشین و سەرۆكوەزیران بوو.
كودەتاکە بە سەرکردایەتی عەبدولكەریم قاسم و عەبدولسەلام عارف و ئەفسەرانی ئازادیخواز كۆتایی بە رژێمی پاشایەتی هێندرا و، سیستمی كۆمارییان بۆ عێراق راگەیاند.
عەبدولكەریم قاسم محەمەد بەكر عوسمان زوبێدی لە ساڵی 1914 لە دایكبووە، ئەفسەر و سەرۆك وەزیران و فەرمانداری گشتیی هێزە چەكدارەكانی عێراق و وەزیری بەرگریی بە شێوەی كاتی بووە، لە نێوانی ساڵانی 1958 بۆ 1963و یەكەم فەرمانڕەوای عێراق بووە دوای رووخانی رژێمی پاشایەتی و رێبەری كودەتا و سەركردەی شۆڕشی 14ی تەمووز بووە.
لە رۆژی 8ی شوباتی 1963 بەعسی و نەتەوەییە عەرەبییەكان لە كودەتایەكی دیکەدا، توانیان كۆتایی بە فەرمانڕەوایی قاسم بێنن و رۆژی دواتر، واتە 9ی شوبات كوشتیان
