ئیسرائیل لەڕیگای مۆبایلەوە سیخوڕی بەسەر 50 هەزار کەسە وە كردووە و کە سەرۆک کۆماری عێراق و سەرۆکی فەرەنسا لە نێو ئەو لیستەدان.
رۆژنامەی واشنتن پۆستی ئەمریکی، لەڕاۆرتێكدا بڵاویكردەوە 14 سەرۆک و سەرکردەی وڵاتان لە نێو لیستی ئەو کەسانەدان کە هەوڵدراوە لە رێگەی بەرنامەی پێگاسۆسی ئیسرائیلییەوە سیخوڕی بەسەر مۆبایلەکانیانەوە بکرێت، لە نێویشیاندا بەرهەم ساڵح، سەرۆک کۆماری عێراق و ئیمانوێل ماکرۆن، سەرۆکی فەرەنسا هەیە.
واشنتن پۆست دەڵێت:” سەدان سیاسە مەدار و بەرپرسی حکومی لە نێو ئەو 50 هەزار کەسەن کە مەترسی دەکرێت مۆبایلەکانیان هاککرابن و سیخوڕییان بەسەرەوە كرابێت، لە نێویشیاندا 10 سەرۆکوەزیران، سێ سەرۆک و پادشایێک، هەیە”.
بەرهەم ساڵح، ئیمانوێل ماکرۆن و سیریل رامفۆسا، سەرۆکی ئەفریقیای باشوورن ئەو سەرۆکانەن کە سیخوڕییان لەسەر کراوە. سێ سەرۆکوەزیرانی ئێستاش لە نێو لیستەکەدان کە ئەوانیش عیمران خانی پاکستان، موستەفا مەدبوولی میسر، و سەعدەدینی عوسمانیی مەغریبن.
هەروەها هەوڵدراوە لە رێگەی بەرنامەی پێگاسۆسی ئیسرائیلییەوە سیخوڕی بەسەر مۆبایلەکانی حەوت سەرۆکوەزیرانی پێشووشدا بکرێت لە نێویشیاندا سەعد حەرییریی لوبنان و چارڵس میشێلی بەلجیکا. جگە لەوانە، شا محەممەدی شەشەم، پادشای مەغریبیش لە نێو لیستەکەدایە.
رۆژنامەكە دەڵێت:” نازانرێت ئایا هەوڵی هاککردنەکە سەرکەوتوو بووە یان نا، تاوەکو ئەو کاتەی پشکنینی ورد بۆ مۆبایلەکانی ئەو کەسانە دەکرێت”.
بەرنامەی پیگاسۆس لەلایەن کۆمپانیای ئۆ ئێس ئێنی ئیسرائیلییەوە دروستکراوە کە دەکرێت کامێرا و مایکرۆفۆنی مۆبایلە زیرەکەکان بکاتەوە و داتاکانی نێویان بدزێت بێ ئەوەی خاوەنەکانیان هەستی پێ بکەن.
هاوكات کۆمپانیا ئیسرائیلییەکەش رەتیدەکاتەوە، بەرنامەکەی بۆ سیخوڕیکردن بەسەر چالاک وان و رۆژنامەواناندا بەکارهاتبێت وڕایگەیاند، تەنیا بۆ دۆزینەوەی تاوانکاران بەکارهاتووە و تەنیا بەو وڵاتانەش فرۆشراوە کە پێشینەی باشیان لە پاراستنی مافی مرۆڤدا هەیە.
