بێ ئەوەی کەسوکاریان زانیارییان پێ بدرێ، سێ هاونیشتمانی شارەکانی شنۆ و، بۆکان و دیواندەرە لە لایەن هێزەکانی ئیتلاعاتەوە دەستبەسەر کران.
بەپێی هەواڵی ناوەندی مافی مرۆڤ بۆ رۆژهەڵاتی کوردستان، رۆژی سێشەممە هێزەکانی ئیتلاعاتی سوپای پاسداران، هاونیشتمانییەکی خەڵکی شاری شنۆ بە ناوی سەلام کوردە و بێ هیچ بەڵگەیەکی یاسایی دەستبەسەر دەکەن.
هەروەها رۆژێ پێشتریش، هێزەکانی ئیتلاعات بەبێ حوکمی قەزایی هاونیشتمانییەکی خەڵکی بۆکان بە ناوی ئەنوەر مەلەکی دەستبەسەر دەکەن و بۆ گرتووخانەی ئیتلاعاتی ورمێی دەگوازنەوە.
لەلایەکی دیکەشەوە، هێزەکانی ئیتلاعات لە شاری دیواندەرەش هاونیشتمانییەکی دیکەیان بەناوی فواد حەبیبی دەستبەسەر دەکەن و بەرەو شوێنێکی نادیاری دەگوازنەوە.
جێی باسە تا ئێستا هۆکاری دەستبەسەرکردنی ئەو سێ هاونیشتمانییە روون نەبۆتەوە و هیج زانیارییەکیش بە کەسوکارەکەیان نەدراوە
