عەلی بالۆیێڤ بۆکسەری کوردی کازاخستان (13-2-1، 8 KO) لە ئەستانەی پایتەختی کازاخستان رووبەڕووی بۆکسەری چینی نورلان ئۆزات (16-3-2، 13 KO) بووەوە، کە پێشتر پشتێنی پاڵەوانێتی لاوەکی WBC و WBOی بەدەستەوە بوو. رووبەرووبوونەوەکە لە کێشی قورسی ئاستی یەکدا ئەنجامدرا و بڕیار بوو دە خولەک بەردەوام بێت. بالۆیڤ بە بڕیار و کۆدەنگی داوەران سەرکەوتنی بەدەستهێنا. لە خولی دووەمدا ناوبژیوان نۆکداونی بەسەر ئۆزاتۆدا ئەژمار کرد. لە خولی شەشەمدا خاڵێک لە بالۆیڤ کەمکرایەوە. هەروەها شایانی باسە لە خولی هەشتەمدا ئۆزات دووچاری بڕین و خوێنلێهاتنی توند بووەوە.
بەم شێوەیە عەلی بالۆیڤ چواردەهەمین سەرکەوتنی لە ژیانی پیشەگەریدا بەدەستهێنا و نورلان ئۆزاتیش تووشی شکستی چوارەم بوو. لە شەڕی سەرەکی ئێوارەی بۆکسێن لە ئەستانە، عەلی ئەخمێدۆڤ (23-1، 17 KO) لەگەڵ بۆکسێنەری پۆڵەندی ماسیج سولێسکی (32-3، 12 KO) شەڕ دەکات – ئەوان تەحەدای پشتێنەی بەتاڵی پاڵەوانی کێشی ناوەڕاستی سوپەری WBC Silver دەکەن.
عەلی باڵۆیێڤ، لە 27 ی شوباتی 1993 لە کیۆک-جانگاک قیرغیزستان لەدایکبووە، هەنوکە لە ئەڵماتی کازاخستان و لاس ڤێگاسی ئەمریکا دەژیت.
عەلی باڵۆیێڤ، لە کێشی قورسی ئاستی یەکدا بۆکسەرە« لەکێشی 90.700kg»
بەگوێرەی هەڵسەنگاندنی BoxRec ئەم وەرزشوانە کوردە، لەسەر ئاستی جیهان، یەکێکە لە 40 باشترین بۆکسەرەکانی جیهان بۆ کێشی قورس.
