گوتەبێژی بزووتنەوەی تاڵیبان دەڵێ، سەرجەم ئەو ئافرەتانەی فەرمانبەرن، بە مەرجی پابەندبوون بە بنەما ئایینییەکانی ئیسلام دەتوانن لە كارەكانیان بەردەوام بن.
زەبیحوڵا موجاهید، گوتەبێژی بزووتنەوەی تاڵیبان، لە کۆنگرەیەکی رۆژنامەوانیدا بۆ مێدیاکان، داوای لەو کەسانە کرد، کە لە فڕۆکەخانەی کابوڵن، بگەڕێنەوە ماڵەکانی خۆیان و فڕۆکەخانەکە جێبهێڵن، ئەو دیمەنەی لە فڕۆکەخانەکەش دەبیندرێت، بە کارەسات ناوی برد و، جەختیشیکردەوە، کە دژی درێژکردنەوەی وادەی کشانەوەی هێزەکانی ئەمەریکان لە فڕۆکەخانەی کابووڵ.
ئەوەشی باسکرد، تاڵیبان پەیامی ئاڕاستەی سەرجەم باڵیۆزخانەی وڵاتانی بیانی کردووە، کە پارێزراو دەبن.
سەبارەت بە کێشەی ویلایەتی پەنجشیر، زەبیحوڵا، ئاماژەی بەوەدا، ئەوان ویستوومانە بە هێمنی و بەبێ شەڕ بڕۆنە نێویەوە و، ئێستاش خەریکە کێشەی ئەو ویلایەتە چارە دەبێت.
گوتەبێژەكەی تاڵیبان، داواشی لە مامۆستایان و، فەرمانبەرانی تەندرووستی و هاتوچۆ کرد، کە بگەڕێنەوە سەر کارەکانیان و بە پابەند بوون بە بنەما ئایینییەکان ئیسلامەوە بەردەوام بن.
