گوتەبێژی کۆشکی سپی دەڵێ، دان بە حکوومەتەکەی تاڵیبان نانێن، هەر پەیوەندییەکیش لەگەڵ تاڵیبان لەسەر بنەمای کردەوە و هەڵسوکەوتیان دیاری دەکرێت.
گوتەبێژی کۆشکی سپی رایگەیاند، کە وڵاتەکەیان دان بە حکوومەتی تاڵیبان نانێن و، هەر پەیوەندییەکیش لەگەڵیاندا، لەسەر بنەمای کردەوە و هەڵسوکەوتیان دیاری دەکرێت.
هەروەها وەزارەتی دەرەوەی دانیمارکیش، جەختی لەوەکردەوە، کە دان بە حکوومەتەکەی تاڵیبان نانێن، کۆمیسیۆنی یەکێتیی ئەورووپا، بە مەرج دان بە حکوومەتەکەی تاڵیبان دەنێن، ئەویش بەندە لەسەر هەڵسوکەوت و رێرەوی تاڵیبان، لەو حکوومەتەی، کە دایدەمەزرێنن.
