ئێف بی ئای، ھۆشداری لە پیلانی قاعیدە و داعش دەدا سەبارەت بە ئەنجامدانی پەلاماری تیرۆرستی لە ئەمەریکا، هاوکات وڵاتەکەیشی نیگەرانە کە تیرۆریستان تۆڕە کۆمەڵایەتییەکان بەکاردەهێنن.
کریستۆڤەر رای، بەڕێوەبەری نووسینگەی لێکۆڵینەوەی فیدڕاڵی ئەمەریکا، ئێف بی ئای، لە میانەی گوتارێکی لە بەردەم ئەنجوومەنی پیرانی وڵاتەکەی، رایگەیاند، بەردەوامن لە چاودێریکردنی مەترسییەکانی گرووپە تیرۆرستییەکانی وەک داعش و قاعیدە.
ئاماژەی بەوەشدا، کە ئەندامانی ئەو گرووپانە، بە دوای خاڵێکی لاوازدا دەگەڕێن بۆ ئەنجامدانی پەلاماری تیرۆرستی فراوان لە خاکی ئەمەریکا، نیگەرانی گەورەی وڵاتەکەیشی ئاشکرا کرد، کە تیرۆرستان تۆڕە کۆمەڵایەتییەکان بۆ ئامانجەکانیان بەکاردەھێنن.
