هەموو بەندکراوانی سیاسیی و مەزهەبی، کە لە بەندیخانەی نێوەندی ئورمیە راگیراون، بە نیشانەی ناڕەزایەتی دەربڕین لەسەر بەڕێنەکردنی بەندکراوانی نەخۆش بۆ نەخۆشخانەکانی دەرەوەی گرتووخانەکە، مانیان لە خواردن گرتووە.
بە گوێرەی هەواڵێکی رێکخراوی مافی مرۆڤی هەنگاو، 43 بەندکراوی سیاسیی و مەزهەبی، کە لە بەندی 10ی بەندیخانەی ئورمیە راگیراون، لەمڕۆ چوارشەممە ٢٢ی 9ی 2021، بە نیشانەی ناڕەزایەتی دەربڕین، لە رێگریکردنیان بە گواستنەوەی بەندکراوە نەخۆشەکان بۆ نەخۆشخانەکانی دەرەوەی بەندیخانە، مانیان گرتووە و بە نووسینی نامەیەک بۆ بەرپرسی بەندیخانەکە، رایانگەیاندووە تا داواکارییەکانیان جێبەجێ نەبێت، لە مانگرتن بەردەوام دەبن.
بەندکراوە مانگرتووەکان بریتین لە: دارا ڕەشیدی، ئەنوەر چالشی، کامیل سەیدانی مەسکەن، نایب عەسکەری، نایب حاجی‌زادە، ئەحمەد تەموویی، سیروان ئەمینی، موختار ئیبراهیمی، محەممەد هوشەنگی، حاتەم ئەزدمیر، شاکر بێهروزی و تاهیر حوسێن زاده ڕاگەیەندراوە
