ناوەندی ڕەوەندی کورد لە دەرەوە، وێڕای پیرۆزبایی خۆیان کە ئاڕاستەی کورد و کوردستانیان کردووە، سەبارەت بە کۆتایی هاتنی هەڵبژاردنی پێشوەختەی ئەنجوومەنی نوێنەرانی عێراق، لە پێناو وەدیهێنانی مافە دەستوورییەکان، داوا لە لایەنە کوردستانییەکان دەکەن، یەکڕیز و یەک هەوڵوێست روو لە بەغدا بکەن.
دەقی پیرۆزباییەکە:
بەخۆشحاڵییەوە، پڕۆسەی ئازادانەی هەڵبژاردنی هەڵبژاردنی پێشوەختەی ئەنجوومەنی نوێنەران، بەبێ هیچ ڕووداوێكی نەخوازراو، كۆتایی هات، گەلی كوردستان و هەموو لایەنە سیاسییەكان، سەركەوتن و، ئەو سەركەوتنەش شانازییە بۆ هەموو لایەك و گەلەكەمان.
بەم بۆنەیەشەوە وەک ناوەندی ڕەوەندی کورد لە دەرەوە، پیرۆزبایی سەركەوتنی پڕۆسەی هەڵبژاردنەكە لە كورد و كوردستان دەکەین، هاوکات جەخت دەكەینەوە، كە
بە هەموو لایەنە کوردستانییەکانەوە، بە گیانی یەك هەڵوێستی و یەکڕیزی كوردایەتی روو لە بەغدا بکەن، ئەویش لە پێناو وەدیهێنانی مافە دەستوورییەكانی هەرێمی کوردستان کار بکەن و واز لە ململامنێ حیزبییەکانیان بهێنن.
ناوەندی ڕەوەندی کورد لە دەرەوە
11ی10ی2021
