سه‌باره‌ت به سڕینه‌وه‌ی ئه‌نجامه بەراییەکانی هه‌ڵبژاردنی پێشوه‌خته‌ی ئەنجوومەنی نوێنەرانی عێراق له سایتی فەرمیی كۆمسیۆنی باڵای سه‌ربه‌خۆی هه‌ڵبژاردنه‌كان، روونكردنه‌وه ده‌درێت.
سه‌رچاوه‌یه‌ك له كۆمسیۆنه‌وه بڵاویكرده‌وه، كه وه‌ك له كۆنگره‌ی رۆژنامه‌نووسی دوێنێی كۆمسیۆن ڕاگه‌یندرا، ئه‌مڕۆ هه‌ژماركردنه‌وه‌ی ده‌ستی بۆ زیاتر له سێ هه‌زار وێستگه ده‌كرێته‌وه، كه ده‌كاته له سه‌دا شه‌شی كۆی به‌شداربووانی هه‌ڵبژاردنەکەی عێراق.
سه‌رچاوه‌كه روونی کردووەتەوە، ئه‌و وێستگانه 60 هه‌زار ده‌نگ له‌خۆ ده‌گرن و، به‌سه‌ر سه‌رجه‌م پارێزگاكاندا دابه‌شبوون و، ئه‌نجامی ئه‌و وێستگانه گۆڕانكاری له ئه‌نجامه‌كان درووست ده‌كا، بۆیه ئه‌نجامه به‌راییه‌كان له سایتی فەرمیی سڕانه‌وه.
