بە بەشداری ژمارەێکی بەرچاو سینەماکار سێھەم خولی فیلم فێستیڤاڵی پەنابەران لە ھێلسینکی پایتەختی فینلەند بە پەخشی فیلمی سەفەری ئەبولی، بەرھەمی دەرھێنەری کورد یاسەمەن شەریف مەنێش دەستی پێکرد.
ڕەسوڵ خۆڕەم کوردی دانیشتووی ھێلسینکی لەم بارەوە وتی: فیلمەکانی نۆ رۆژ لە ڕەقە، مەریەم و خۆڕی ساڵ بە ناوەرۆکی کوردستان و بە زمانی کوردی بەشداری سێھەم خولی ئەم فێستیڤاڵەن.
ناوبرا لە درێژەدا رایگەیاند: فیلمی خۆری ساڵ لە دەرھێنانی ڕەسوڵ خۆڕەم کە باس لە کاریگەری دۆخی کوردستان لە سەر ژیانی رۆژانەی پەنابەران دەکات وێرای نزیک 25 فیلمی تر کە بەرھەمی سینەما کارانی فینلەندی و پەنابەرن لە رۆژانی 13.10-15.10 لە سینەما ئۆریۆن پەخش دەکرێن.
مەبەستی لە بەرێوەبردنی ئەم چالاکیە پشتگری کردن لە سینەماکارانی پەنابەر و ھاوکاتیش ئاشنا کردنی زیاتری فینلەندیەکانە بە بارودۆخی ئەو وڵاتانەی پەنابەر لێی لە دایک بووە.
