هێیکۆ ماس، وەزیری دەرەوەی ئەڵمانیا، ئەلێکساندەر لوکاشینکۆی سەرۆکی بیلاڕووسیای تۆمەتبارکردووە بەوەی، کە سەرکردایەتی تۆڕێکی بە قاچاخبردنی کۆچبەران بۆ ئەورووپا دەکات و، هەڕەشەی سزادانی هێڵی ئاسمانی بەشدار لەو چالاکییە گوماناویانەدا دەکات.
لە کاتی گەیشتنی بۆ برۆکسل بە مەبەستی کۆبوونەوەی وەزیرانی دەرەوەی یەکێتیی ئەورووپا، ماس لۆکاشینکۆی خستە ئەستۆی بەکارهێنانی کۆچبەران وەک میکانیزمێک بۆ فشارخستنە سەر وڵاتانی ئەورووپا، سەرۆکی بیلاڕووسیاشی بە سەرۆکی تۆڕێکی کۆچبەرانی حکوومەت، وێناکرد.
ماس جەختی لەوەشکردەوە، کە وڵاتانی یەکێتیی ئەورووپا، چیدیکە کار بۆ لادانی قازانج لە هەندێک هێڵی ئاسمانی بە گواستنەوەی کۆچبەرانی نایاسایی بۆ ئەورووپا ناکەن، بە پێویستیشی زانی باس لە ئەنجامەکانی ئەو جۆرە کۆمپانیایانە بکەن کە بە روونی سزا بەسەریاندا بسەپێنن.
ئەمەش لە دژی ئەو ئاڵوگۆڕەی ئەم دواییەی بیلاڕووس، لیتوانیا، لاتڤیا و پۆڵەندا دێت، کە تۆمەتی درووستکردنی قەیرانی کۆچکردن بە ڕاکێشانی قەرەباڵغی کۆچبەرانی نایاسایین، بە پلەی یەکەم لە عێراقەوە بۆ سنوور بەرزبوونەوەی گرژیی بە خۆیەوە دیوە.
لوکاشینکۆ پێشتر ڕایگەیاندووە، کە بیلاڕووس چیدیکە ئامادە نییە بۆ سنووردارکردنی لێشاوی کۆچبەرانی نایاسایی بۆ وڵاتانی یەکێتیی ئەورووپا، چونکە بە هۆی سزاکانی رۆژئاواوە توانای سنووردارە.
