ئەڤرۆ رۆژا جیهانی یا نەهێلانا کارکرنا زارۆیانە و ل سەرانسەری جیهانی چالاکی بۆ نەهێلانا دیاردەیا کارکرنا زارۆیان دهێنە کرن.
رۆژا جیهانی یا نەهێلانا کارکرنا زارۆیان بۆ جارا ئێکێ ل 12 خزیرانا سالا 2002 ژ ئالیێ رێکخراوا نەهێلانا کارکرنا زارۆیان هاتیە دانان، ژ بەرکو ل سەرانسەری جیهانێ زارۆ کو پتریا وان ژ خێزانێن هەژارن، دهێنە نەچارکرن کار بکەن و رۆژانە رووبرووی ئەشکەنجەدانا لەشی و دەروونی دبن و پتریا وان دەلیڤەیا خواندنێ بۆ ناهێتە دان.
ل گۆرەی رێکخراوا مندال پارێزی یا هەرێما کوردستانێ، ل سەنتەرێ باژێرێ دهۆکێ 564 زارۆ کار دکەن و ژ وانا 531 کورن و 33 کچن.
ل گۆرە رێکخراوێ، 14% یا وان زارۆیان د بن ژیێ 10 سالیێ دانە و 86% ژی سەر 10 سالیێ دانە.
هەروەسا ل سەرانسەری جیهانێ ژی رێکخراوا یۆنێسیف دیار کریە کو 152 ملیۆن زارۆ نوکە کار دکەن و 72 ملیۆن زارۆیێن کار دکەن ل کێشوەرێ ئەفریقیا نە، 70٪ ژی د کەرتێ چاندنێ دا کار دکەن.
سەرچاوە : گاڤ نیوز
