سەرۆکی دەستەڵاتی فڕۆکەوانی شارستانی سودان بە ئاژانسی هەواڵی ڕۆیتەرزی ڕاگەیاند، کە فڕۆکەخانەی نێودەوڵەتی خەرتوم کاتژمێر 4ی پاش نیوەڕۆی ئەمڕۆ دەکرێتەوە، ئەوەش لە کاتێکدایە، ڕۆژی دووشەممە دوای ڕووخاندنی حکوومەتی سودان داخرا.
ئیبراهیم عادلان گوتیشی: “هەموو گەشتەکانی گەشتن و دەرچوون لە فڕۆکەخانەی خەرتوم بەهۆی بارودۆخی وڵاتەوە تا 30ی تشرینی یەکەم ڕاگیراون”.
ئەوەش لە کاتێکدایە، کە رۆژی دووشەممە سوپای ئەو ولآتە کودەتایان بەسەر حکوومەتدا کرد و، هەریەکە لە عەبدوڵڵا حەمدوک، سەرۆکوەزیران و چەند وەزیرێکی کابینەکەیان دەستگیر کرد.
