دیمیتری پیسکۆ، وتەبێژی سەرۆکایەتی ڕوسیا ئەمڕۆ پێنجشەممە ڕایگەیاند، ڕووسیا هیچ پەیوەندی بە قەیرانی کۆچکردنەوە نییە لەسەر سنوورەکانی بیلاروس و پۆڵەندا.
پیسکۆف، گوتیشی:”ڕووسیا پەیوەندی بە قەیرانی کۆچکردنەوە نییە لەسەر سنوورەکانی بیلاروس و پۆڵەندا، بەڵام هەوڵ دەدات بۆ چارەسەرکردنی، پوتین بەردەوام لە پەیوەندیدایە لەگەڵ سەرۆک لوکاشینکۆ و ڕەنگە پەیوەندیەکی دیکە لەگەڵ ئەنگێلا مێرکل درووست بکرێت”.
لەسەر تۆمەتەکانی وارشۆ بۆ سەر کۆمپانیای ئێرفلۆتی ڕووسی، گوتەبێژەکە گوتی: ئەگەر هەندێک هێڵی ئاسمانی خەڵک بگوازنەوە بۆ بیلاروس و لەناویاندا کۆچبەران، ئەمە پێچەوانەی ستانداردە نێودەوڵەتییەکان نییە.
