بە گوێرەی ڕێنمایی و یاسای نوێ، کە ئاسایشی نەتەوەیی خۆیان دەپارێزن و نیگەرانیان لە گەڕانەوەی جەنگاوەرە بیانیەکان بۆ زێدی خۆیان هەیە، بەریتانیا بڕیاری لێسەندنەوەی رەگەزنامەی ئەو کەسانە دەدات کە داعش بوون.
حکومەتی بەریتانیا بەم دواییانە ناساندنی پڕۆژە یاسایەکی ڕاگەیاند بۆ نوێکردنەوەی یاسایەکی پێشتر، کە دەستەڵاتی دا بە ئۆفیسەکان بۆ کشانەوەی هاووڵاتیبوونی ئەو کەسانەی داعش بوون و رەگەزنامەی ئەو وڵاتەیان هەبووە.
وەزارەتی نێوخۆی بەریتانیا جەختی لەسەر ئەوە کردەوە، سەندنەوەی ڕەگەزنامەی کەسێک مافی دەستەڵاتدارانە، کە بەرانبەر ئەو کەسانە جێبەجێی بکەن، کە مەترسی لەسەر ئەو وڵاتە درووست دەکەن، جەختیشی لەوە کردەوە کە هاووڵاتیبوونی بەریتانیا مافێکی ڕەسەن نییە.
یاسای سەندنەوەی ڕەگەزنامەی بەریتانی، دەگەڕێتەوە بۆ ساڵی 2005، کاتێک وەزارەتی نێوخۆی بەریتانیا دەستەڵاتی پێبەخشرا بۆ سەندنەوەی رەگەزنامەی هاووڵاتی، دوای ئەوەی دەرکەوت چەند کەسێک دەستیان هەبووە لە ئۆپەراسیۆنە تیرۆریستییەکانی دوای تەقینەوەکانی لەندەن لە هەمان ساڵدا، وردە وردە حکومەت بەکارهێنانی یاساکەی لە نێوان ساڵانی 2010 و 2014 فراوانتر کرد
