بە بۆنەی بەستنی یەکەمین کۆنگرەی ناوەندی ڕەوەندی کورد، حزبی سۆسیالیست دیموکراتی کوردستان پەیامی پیرۆزبایی خۆیان ئاڕاستەی ناوەندەکە دەکەن، هاوکات بەستنی کۆنگرەکەش بە کارێکی پێویست و گرینگ وێنا دەکەن، هاوکات هیواخوازن ناوەندەکە ببێتە چەترێک بۆ هەموو ڕەوەندێکی کوردی پارچەکانی کوردستان.
دەقی پەیامەکە:
بۆ بەڕێزان لە ناوەندی ڕەوەندی کوردستانی لەدەرەوە
بابەت / پیرۆزبایی
بەناوی حزبی سوسیالیست دیموکراتی کوردستان وە جوانترین پیرۆزبایتان ئاراستە دەکەین ، بە بۆنەی یەکەمین کۆنگرەی دامەزراندنی ناوەنـــدی ڕەوەندی کوردستانی لەدەرەوە ، لە بەرواری ٤ – ٦ / ١٢ / ٢٠٢١ لە شاری هەولێر کە بە سەرکەوتوویی کارەکانی خۆی ئەنجام دا .
بەستنی ئەو کۆنگرەیە کارێکی گرنگ و زۆر پێویست بوو لەم کاتەدا کە ببێتە چەترێك بۆ هەموو ڕەوەندی کورد لە هەر چوار پارچەی کوردستان و دەرەوەی ووڵات بۆ پشتگیری لە کوردستان و دۆزی ڕەوای گەلی کورد لە جیهاندا .
هیوادارین ناوەندی ڕەوەندی کورد لەدەرەوە بتوانن گرنگی بە زمان و کەلتوورو کەڵچەری کوردی و پاراستنی مۆرکی کوردەواری بدەن ، وە بتوانن نەوەکانی داهاتوو لە ژێر چەتری ئەو ڕەوەندەدا کۆ بکاتەوە و گرنگیان پێ بدەن . بەو هیوایەین کارو ماندوێتی ناوەندەکەتان ببێتە ئەستێرەیەکی گەش لە نێو کوردستانیاندا .
هەر سەرکەوتوو سەرفراز بن
حزبی سوسیالیست دیموکراتی کوردستان
