ڕێکخراوی مافی مرۆڤی هەنگاو، ئەمڕۆ هێزە ئەمنییەکانی مەریوان هەڵیانکوتاوەتە سەر ماڵی ئارام فەتحی، شاعیر، نووسەر و چالاکی مەدەنی ناسراوی ئەو شارە و دەستگیریان کردووە.
ڕێکخراوەکە ئاماژەی بۆ ئەوەشکردووە کە هێزە ئەمنییەکان لەکاتی دەستگیرکردنی ئەو شاعیرەدا ڕایانگەیاندووە کە “بەڵگەی دادوەرییان پێیە بەڵام بەبێ نیشاندانی هیچ بەڵگەیەک ئارام فەتحییان دەستبەسەر کردووە”، ئاماژەبەوەشدراوەکە دوای ئەوەی ئارام فەتحی دەستبەسەر کراوە “هێزە ئەمنییەکان ماڵی ناوبراویان پشکنیوە و دەستیان بە سەر کەلوپەلی تایبەت و مۆبایل، کۆمپیۆتەرەکەیدا گرتووە.
تائێستا هۆکاری دەستبەسەرکردنی ئەو چالاکوانە دیارنییە و ناشزانرێت لە کوێ زیندانی کراوە.
ئارام فەتحی لە ماوەی ساڵانی ڕابردوودا چەندین جار لەلایەن ناوەندە ئەمنیەکانی ئێرانەوە بانگهێشت و دەستبەسەر کراوە.
