ئەنجامەكانی هەندێك لە توێژینەوە ئەوەیان سەلماندوە ئەو كاتەی مرۆڤ بەشێوەیەكی ڕێكخراو وەرزش دەكات ئەوە تێكڕای لێدانەكانی دڵ تەندروست و ڕێكخراو دەبێت و ئارەقكردنەوەی زۆر بەهۆی وەرزش كردنەوە كاریگەری دەبێت لەسەر تەندروستی جەستە و مێشك .
ئەو كاتەی مرۆڤ وەرزش دەكات ئەوە هەستێكی نوێ و جیاوازی لا دروست دەبێت و جەستە دەپارێزێت لەو تێكچونانەی كە بەهۆی چونە تەمەنەوە ڕوبەڕوی دەبێتەوەئەنجامدانی وەرزش ئەم سودانە بەتەندروستی دەگەیەنن :
- وەرزش کردن سود بە مێشک دەگەیەنێت :
سودێکی زۆری بۆ کارا کردنی مێشک دەبێت و فێربون خێرادەکات و نەخۆشی زەهایمەر و بیرچونەوە دوادەخات . - وەرزشکردن دڵخۆشمان دەکات :
ژمارەیەکی زۆر توێژینەوە ئەوەیان سەلماندووە وەرزشکردن وادەکات لە پەستانی دەرونی ڕزگارمان ببێت و لەشمان ئەو هۆرمۆنانە دەردەکات دڵخۆشمان دەکات .
3.وەرزش کردن پیربون دوادەخات :
توژینەوەکان ئەوەیان سەلماندووە وەرزشکردنی بەردەوام پیربون بە ڕێژەی ٥ ساڵ دوادەخات و خانەکان بەردەوام نوێ دەبنەوە و خۆیان دابەشدەکەنەوە .
- وادەکات پێستمان جوانتر دەربکەوێت :
کاتێک وەرزش دەکەین سوڕی خوێن بۆ ناو خانەکانی پێست زیاد دەکات و دەبێتە هۆی ئەوەی خۆراک و مادە سود بەخشەکان خێراتر بۆ ئەو ناوچەیە بگوازرێتەوە . - لەماوەی چەند خولەکێک چەند شتێکی سەرنج ڕاکێش ڕوودەدات :
شارەزایان ئاشکرایانکردووە وەرزشکردن هەرچەندە کەمیش بێت و سادە بێت سودی خۆیدەبێت و لە ژمارەیەک نەخۆشی بەدورمان دەکات . - چارەسەری نەخۆشی مەترسیدار دەکات :
وەرزش کردن لە ژمارەیەک نەخۆشی مەترسیدار دەمانپارێزێت، بەتایبەتیش بۆ نەخۆشی شەکرە لە جۆری ٢ و بەرزی پەستانی خوێن سودی زۆری دەبێت . - خانەکانی قڵەوەی لەناودەبات :
لەش مادەی چەوری و کاربۆهیدرات وەک سەرچاوەی وزە بەکاردەهێنێت و لەکاتی وەرزشکردن بڕێکی زۆرتر چەوری دەسوتێت، بۆ ئەوەی چەوری بسوتێت برێکی زۆرتر ئۆکسجینمان پێویستە ئەمەش لەکاتی وەرزش کردن دەستمان دەکەوێت .
هیوادارم ئەوکەسانەی وەرزش دەکەن بەردەوام بن و ئەوانەی ناشی کەن هەوڵبدەن ئەنجامی بدەن خۆپاراستن لەچارە سەرکردن باشترە.
شاگوڵ دڵشاد
