دوو راهێنەری بیلاڕووسیا لە ئۆڵۆمپیادی تۆکیۆدا متمانەیان لێ سەندرایەوە و لە گوندی ئۆڵۆمپیادیش دوور خرانەوە، پاش ئەوەی گوایە فشاریان لە وەرزشوانێکی وڵاتەکەیان کردووە تا بە زۆر بیبەنەوە بۆ وڵاتەکەیان، ئەو رووداوەش سەرزەنشتی نێودەوڵەتی بە دوای خۆیدا هێنا.
رۆژی هەینی لیژنەی نێودەوڵەتی ئۆڵۆمپیاد، متمانەیان لە ئارتۆر شیباک و یوری ماسیڤیچ سەندووەتەوە و لەگوندی ئۆڵۆمپیادیش دوور خراونەتەوە، لیژنەکە راشیگەیاند، لەم هەفتەیەدا لێکۆڵینەوە لەگەڵ ئەو ژن و پیاوە سەبارەت بە رۆڵی ئەوان لە کێشەی کریستیانا تیسیمانۆسکایا دەکرێ.
گوایە وەرزشوانەکە لە فڕۆکەخانەی تۆکیۆ داوای لە پۆلیس کردووە، بیپارێزن تا بە زۆر رەوانەی بیلاڕووسیای نەکەنەوە، وەرزشوانەکە گوتوشیەتی، کە ئەو لە ژیانی دەترسێ، ئەگەر بیگەڕێننەوە بۆ وڵاتەکەی خۆی، ئەو وڵاتەی کێشمەکێشمی سیاسیی و سەرکوتکردنی ئۆپۆزسیۆن وێرانی کردووە و، لە هەڵبژاردنێکی کێشە لە سەردا ساڵی پار، ئەلیکساندەر لۆکاشینکۆیان خستەوە دەستەڵات.
کریستینا تیسیمانۆسکا ی 24 ساڵ، رۆژی چوار شەممە گەیشتە وارسۆ، پاش ئەوەی ئەو وڵاتە فیزەیەکی مرۆیی پێ بەخشیبوو، ئەو دەڵێ: دڵخۆشە کە سەلامەتە
