ئەڵمانیا نەخۆشخانەیەكی تایبەتی نوێی ١٠٠ قەرەوێڵەیی، کە ٣٨ وێستگەی چاودێریشی دەبێ، لە سلێمانی درووست دەکات.
كونسوڵخانەی ئەڵمانیا لە هەرێمی كوردستان، لە هەژماری تایبەتی خۆی و لە تۆڕی كۆمەڵایەتی تویتەر بڵاویكردەوە، ئەڵمانیا خۆشحاڵە بە هاوكاریكردنیهەرێمی كوردستان، بە درووستكردنی نەخۆشخانەیەكی نوێی تایبەتی ١٠٠ قەرەوێڵەیی و ٣٨ وێستگەی چاودێری چڕەوە لە سلێمانی، کە بەم زووانە دەكەوێتە كار.
ئاماژەی بەوەشکردووە، کە ئێمە گەیشتوینەتە قۆناغێكی زۆر هەستیاری پەتاكە، خۆپارێزی و چاودێری پزیشكی پێویست، دوو كاری سەرەكین، كونسوڵی گشتی ئەڵمانیا، بەڵێنی بە تەندرووستی سلێمانیشداوە، کە بە هەماهەنگی و هاوكاری هەردوولا، لە كۆتایی ئەم مانگەدا كارەكانی نەخۆشخانەكە بە كۆتا دەگات.
جێی باسە نەخۆشخانەكە تایبەت دەبێ بە تووشبوانی كۆرۆنا و، پێكهاتووە لە ١٠٠ قەرەوێڵە كە ٣٨ قەرەوێڵيیان تایبەتە بە بەشیICU ، واتا چاودێری چڕی تووشبوانی كۆرۆنا، کە پڕۆژەکە لە لایەن وڵاتی ئەڵمانیاوە جێبەجێ دەكرێت.
