وەزیری دارایی و ئابووری هەرێمی کوردستان، دەڵێ، بە رێککەوتن لەگەڵ حکوومەتی فیدراڵی، دەتوانن زیاتر کەرتی ئابووری و بازرگانی لە کوردستان ببوژێننەوە.
ئەمڕۆ یەک شەممە 2021/8/22، ئاوات جەناب نووری، وەزیری دارایی و ئابووری حکوومەتی هەرێمی کوردستان، لە دیوانی وەزارەت چاوی بە شاندێکی بازرگانی و دارایی وڵاتی بەریتانیا کەوت.
لەکۆبوونەوەکەدا وەزیری دارایی و ئابووری باسی لە گرینگی حکوومەتی بەریتانیا کرد لە پەرەپێدانی کاری بازرگانی لە عێراق بەگشتی و هەرێمی کوردستان بە تایبەتی.
لای خۆیانەوە شاندی میوان بە سەرۆکایەتی تیم پاڵمەر، لەگەڵ هاوەڵەکانی باسی لە گەشەپێدانی کەرتی ئابووری هەرێمی کوردستان کرد، کە گەشەیەکی بەرچاوی بەخۆیەوە بینیوە.
لەکۆتاییدا ئاوات جەناب نوری، جەختی لەوە کردەوە، هەمیشه دەرگایان بۆ وەبەرهێنەرانی دەرەوە واڵایە، تا زیاتر هەرێمی کوردستان بەرەوپێش بچێت.
شاندە بەریتانیەکە سوپاسی پێشوازی وەزیری داراییان کرد، لەبەرامبەر کار ئاسانیان بۆ ئەنجامدانی کاری بازرگانی لەناوچەکەدا، راشیانگەیاند، ئەوەی لە توانایان دابێت ب
