دوای جەنگی جیهانی دووەم، زانایەکی ناوداری ئەمەریکی، ئامێری مایکرۆوەیڤی تایبەت بە گەرمکردنەوەی خۆراکی درووستکرد، لەو کاتەدا چەندین هەواڵی نادرووست لە لایەن راگەیاندنەکانەوە بڵاوکرایەوە، گوایە ئەو ئامێرە مەترسی بۆ سەر تەندرووستی مرۆڤ هەیە.
بەپێی چەند توێژینەوەیەک، کە لە ماوەی ٥ ساڵدا ئەنجام دراون، ئاماژە بەوە دەکەن هیچ بەڵگەیەکی زانستی نییە، کە بیسەلمێنیت، ئامێری گەرمکردنەوەی خۆراک بە مایکرۆوەیڤ زیانی بۆ تەندرووستی مرۆڤ هەبێت.
ئامێری مایکرۆ بە تیشکێکی کارۆموگناتیسی کاردەکات و، لەگەڵ بەکارهێنانی ئامێرەکەدا، تیشکەکە پێچەوانە دەبێتەوە و، دەبێتە هۆی گەرمکردنەوەی خۆراکەکە، ئەمەش نابێتە هۆی زیانگەیاندن بە تەندرووستی و لە بەها خۆراکییەکانی خۆراکەکەش کەم ناکاتەوە، تەنیا لە حاڵەتێکدا ئەگەر ئامێرەکە کۆن بووبێت، یا دەرگاکەی بە باشی دانەخرێت، یان دەفری پلاستیک بە کاربێت، زیانی بۆ سەر تەندرووستی دەبێت.
بۆ هەموو بابەتێکی تەندرووستی، پێویستە پشت بە رێنماییەکانی رێکخراوی تەندرووستی جیهانی ببەستین، بەپێی رێنماییەکانی رێکخراوەکە، تا ئێستا نەسەلمێندراوە، مایکرۆی گەرمکردنی خۆراک زیانی لەسەر تەندرووستی مرۆڤ هەبێت.
لەشکر حمید
ئەندازیاری خۆراک
