خواردنی هه‌نار، چه‌ندین سوودی بۆ ته‌ندرووستی هه‌یه، مادده‌ی پۆلیفینۆلی تێدایه، كه دژه ئۆكسانه و خانه‌كانی له‌شی مرۆڤ، له له‌ناوچوون ده‌پارێزێت.
لە بابەتێکی تەندرووستیدا ماڵپەڕی دایرێكشن بڵاوی کردووەتەوە، کە گوشراوی سرووشتی هه‌نار، سێ هێنده‌ی چای سه‌وز، دژه ئۆكسانی تێدایه و، خواردنی هه‌نار، مرۆڤ لە شێرپه‌نجه و نه‌خۆشییه‌كانی دڵ و خوێنبه‌ره‌كان دەپارێزێت و، به‌رگری له‌ش زیاد ده‌كات.
بەپێی توێژینەوەکان، هه‌ر هه‌نارێك 230 پله گه‌رمۆكه‌ی تێدایه، 20%ی پۆتاسیۆم و 50% ڤیتامین C بۆ لەشی مرۆڤ دابین ده‌كات، هاوکات، لە کاتی تووشبوون بە سکچوون، خواردنی هەنار چارەسەرێکی زۆر باشە و یارمەتی مرۆڤ دەدات لە زوو چارەسەرکردنی ئەو نەخۆشییە، خواردنی هه‌نار كه‌ڵه‌كه‌بوونی كۆلیسترۆل له ده‌ماره‌كان كه‌مده‌كاته‌وه و، هاوكاری راگرتنی هاوسه‌نگی فشاری خوێن ده‌كات و، رێگری له گرژبوونی خوێنه‌به‌ره سه‌ره‌كییه‌كان ده‌كات.
